O‘zbekistonda ilk bor haydovchi 12 jarima balli to‘plagani sababli haydovchilik huquqidan mahrum etilishi mumkin. Ballik tizim qanday ishlashi haqida batafsil.
Yo‘l harakati xavfsizligi xizmati respublikada ballik tizim joriy etilgandan buyon eng ko‘p qoidabuzarlik sodir etgan ilk haydovchini aniqladi. Surxondaryo viloyatida yashovchi ushbu shaxs bir yil davomida jami 12,5 ball to‘plab, belgilangan limitdan o‘tib ketgan.
Haydovchi maxsus videolavhada tizimning ishlashiga ishonmaganini, biroq endi uning ishi sudga oshirilib, transport vositasini boshqarish huquqidan mahrum bo‘lishi mumkinligini bayon qildi. Amaldagi tartibga ko‘ra, 12 ballik ko‘rsatkichga yetgan shaxslar kamida 6 oyga haydovchilik huquqidan mahrum etiladi.
Ma’lumotlarga ko‘ra, hozirda mamlakat bo‘ylab yana 11 nafar haydovchi «qizil hudud»da turibdi — ularning hisobida 8 tadan 10 tagacha jarima ballari mavjud. Bunday haydovchilarning aksariyati Toshkent shahri (5 kishi) va Surxondaryo viloyatiga (3 kishi) to‘g‘ri kelmoqda. Eslatib o‘tamiz, 2026-yil 1-apreldan boshlab kameralar va radarlar orqali qayd etilgan qoidabuzarliklar ham ballik tizimga kiritila boshlandi.
Ushbu choralar yo‘llarda intizomni kuchaytirish va takroriy qoidabuzarliklarning oldini olishga qaratilgan bo‘lib, to‘plangan ballar bir yil davomida saqlanib qoladi.
