O‘zbekistonda kamida 15 yillik stajga ega bo‘lgan tibbiyot xodimlarining farzandlari uchun kontrakt to‘lovining 30 foizigacha bo‘lgan qismini qoplashga subsidiyalar berilmoqda. Onlayn ariza topshirish tafsilotlari.
O‘zbekistonda tibbiyot va farmatsevtika sohasida uzoq yillar davomida mehnat qilib kelayotgan xodimlarning farzandlarini qo‘llab-quvvatlash bo‘yicha yangi tizim yo‘lga qo‘yildi. Endilikda ularning oliy ta’lim muassasalaridagi kontrakt to‘lovlarining bir qismi davlat budjeti hisobidan qoplab beriladi.
Subsidiyani rasmiylashtirish uchun belgilangan asosiy talablar va shartlar:
-
Mehnat staji: Imtiyozdan davlat tibbiyot muassasalarida kamida 15 yil mehnat qilgan soha vakillari foydalanishlari mumkin;
-
To‘lov miqdori: Yillik kontrakt to‘lovining 30 foizi qoplanadi, biroq ajratiladigan maksimal summa BHMning 15 baravaridan (6,18 mln so‘mdan) oshmaydi;
-
Qamrov: Dastur O‘zbekistondagi barcha davlat va xususiy (nodavlat) oliy o‘quv yurtlarida tahsil olayotgan talabalarga nisbatan amal qiladi.
Soha xodimlari tegishli arizalarni masofaviy shaklda subsidiya.imv.uz yagona platformasi orqali topshirishlari mumkin.
