Surxondaryoda Afg‘onistondan kelgan ekskavator ichidan qariyb 600 kg narkotik topildi. DXX va Bojxona qo‘mitasi kontrabandani to‘xtatib qoldi.
DXX Chegara qo‘shinlari va Bojxona qo‘mitasi xodimlari hamkorlikda qo‘shni davlatdan respublikamizga yirik miqdordagi ajal og‘usini olib kirish rejasini barbod qildi. «Termiz-avto» nazorat-o‘tkazish punktida Afg‘oniston fuqarosi boshqarayotgan yuk mashinasi to‘xtatilib, sinchiklab tekshirilgan. Mashina tirkamasiga ortilgan «Doosan» ekskavatori skaner qilinganda, uning mexanizmlari orasida shubhali bo‘shliqlar borligi ma’lum bo‘ldi. Maxsus endoskop yordamida ushbu yashirin joylar ochilganda, og‘irligi 593 kg gashish va 3 kg opiy moddalari borligi fosh etildi.
[telegram_post url=»https://t.me/xavfsizlik_uz/2212″]
Ushbu holat yuzasidan kontrabanda va giyohvandlik vositalarini sotish maqsadida qonunga xilof ravishda saqlash moddalari bilan jinoiy ish ochildi. Hozirgi vaqtda yukni qabul qilib olishi kerak bo‘lgan mafiya tarmog‘i a’zolarini fosh etish va hibsga olish bo‘yicha tezkor surishtiruv ishlari olib borilmoqda.
